నేవేచిన వేళ నీమది తలచే వేళ
ఏవేళ నీవొచ్చినా స్వాగతం
పలకాలని నిశీది నీడన
ఆశల దీపాలు వేలిగించి
నీ కొరకు ఎదురు చూస్తూనే ఉన్నా...!!
నీఅడుగులు ముంగిట చేరే క్షణం కోసం
వాకిట ముగ్గునై గుమ్మాన తోరణమై
చేసిన బాసల సాక్షిగా పడిన బంధం తొడుగా
మూడు ముళ్ళను ఏడడుగులనూ తలుస్తూ
కలల కనే కళ్ళను కావలిగా కట్టేసి
ఏకాకినై ఎడారిలా ఏడుస్తూనే ఉన్నా....
నిద్దురపోని మనసును నిరాశగా కొలుస్తూ...
నిక్షిప్తమైన జ్ణాపకాల బరువుని మోస్తూ
కరుగుతున్న కాలాన్ని నలుగుతున్న నవ్వుని
అనునయిస్తూ నీ ఆలోచనల్లో తరిస్తున్నా...
అడుగులతో చేరవలసిన దూరాన్ని
అందనంత దూరంగా విసిరిన కాలాన్ని
నిలదీయలేక నిలిచిపోయిన ప్రతిమలా
వచ్చే వసంతాలకై నిత్యపూజలు చేస్తూనే ఉన్నా.....!!
అనుశ్రీ.....
No comments:
Post a Comment