అందమైన బాల్యం
అపురూపమైన కావ్యం....
ఎన్నిసార్లు చదువుకున్నా
తనివి తీరని తీయని జ్ఞాపకం...!!
చిన్ని చిన్ని అలకలు
చిట్టీ చిట్టి కోరికలు
బుంగమూతి గారాలు
అమాయకపు అల్లరులు
నిన్నని తలవని
రేపటి భయమెరుగని
రంగు రంగుల వర్ణచిత్రం
తలుచుకుంటే ఇపుడు విచిత్రం....
చినుకులతో చిందులు
చిరుగాలితో కబుర్లు
చీకటితో చిరాకులు
చిలకలంటి పలుకులు
సంతోషాలన్నీ మనవేనని
సందడంతా మనదేనని
బాదరబందీలు లేని చిన్నతనం
చివరిదాకా నడిపించేటి ఇంధనం... !!
అనుశ్రీ...
No comments:
Post a Comment