కొన్ని మౌనాలు విరిస్తూ ఉంటాయి
అంతరంగాన ఆవేదనలుగా
ఆడంబరాల చిరునవ్వులుగా
నవ్వులో ఉన్నదంతా సంతోషంకాదు
వేదన రూపమంటే దుఃఖమూ కాదు
సందర్భాన్ననుసరించి చేసే ప్రదర్శనేమో
కనిపించేదంతా నిజం కాకపోవచ్చు
కనిపించని కోణాలు ఎన్నో ఉండొచ్చు
చూసీ చూడగానే అంచనాలు
గమనించకుండానే ఆరోపణలు
పై పై మెరుగుల చిత్రాలు
భంగపాటునే మిగుల్చుతాయి.....!!
కళ్ళు చూపేదే సత్యమని భ్రమిస్తే
మనసు మర్మం బోధ పడదు
మాటలకందని మౌనాలుంటాయి
కన్నీళ్ళని మించిన వేదనలూ ఉంటాయి
చేతనైతే చేయందించి సాయం చేయి
వెతలు తీర్చే మార్గం వేయి..
చెలిమితో చేయూతవై ధైర్యాన్నివ్వు...
ఏదీ వల్లకాదంటే మంచి మాటై పలకరించు
అదే అదునని నలుగురిలో
నగుబాటు చేసే మాటల విసరకు
నీలోని అల్పత్వం చూపబోకు.....!!
అనుశ్రీ....
133
No comments:
Post a Comment