అనాదిగా యుగయుగాలుగా
ఇదే ఎదురు చూపులు
ఇవే వేదనల వేడుకోలు
తరాల అంతరాలు మారినా
మారని తలరాతలు........!!
కన్నవాళ్ళనూ తోబుట్టులను
అయినవాళ్ళందరినీ వదిలి
జీవించడానికి వచ్చినపుడున్న ధైర్యం
భయాలను వెలేసి నడిచేందుకు రాదా...!!
నిర్లక్ష్యాల నీలి నీడలను
తిరస్కారాల సత్కారాలను
సంహించిన మనసుకు
తెగించే బలం ఉండదా...!!
కన్నీళ్ళకే కాదు కళ్ళున్నది
కాగడాలై వెలిగేందుకు...
ఓర్పుకే కాదు మనసున్నది
ఓటములను నిలదీసి గెలిచేందుకు....!!
అనుశ్రీ...
145
No comments:
Post a Comment