ఎన్నో సందేహాలు ఏవో ఆందోళనలు
ఎన్నో ఆశలు మరెన్నో ఇష్టాలు
గడప ముందుకు రాగానే ప్రశ్నిస్తున్నాయి
ఏవి వదిలేయాలో ఏది వెంట తెచ్చుకోవాలో
తేల్చలేని మనసు తికమక పడిపోతోంది...!!
ఆప్తులను ఆప్యాయతలను వదిలి
ఇంటిని ఇంటి మనుషులని వదిలి
సంతోషంగా స్వచ్చంగా ఉండగలనా
అని మదన పడే నా అంతరంగం
కష్టాన్ని కళ్ళలోనే దాచుకోమని
కన్నీళ్ళను కడకొంగులో ఒంపమని
బోధించిన సాంప్రదాయపు ఆంక్షలు
ఆచరణలో పెట్టగలనా అనే అనుమానం
చేపట్టిన మనిషి చేరవచ్చిన కుటుంబం
ప్రేమ పంచే నా మంచితనానికి
రక్షణై నిలవాలని ఆశిస్తూ అడుగేస్తున్నా
కడదాకా నన్ను కాపాడమని వేడుతూ...!!
అనుశ్రీ....
. 121
No comments:
Post a Comment