సేద తీర్ఛే పచ్చని వసంతాలు
నిత్య సంగీతమై నాలో స్వరాలు...
కావ్యాలుగా మారే మది భావాలు
ఓదార్పు వీణపై చేస్తున్నా గానాలు..
విషాదచిత్రానికి ఆనందాల రంగులేసే
ఏకాంత భోగాన తలపుల నేస్తాలు
పంజరాన చిలుకలా మసులుతున్నా
బదులు లేని ప్రశ్నలా మిగులుతున్నా...
అలజడుల ఆనవాలు తెలియకుండా
అలుపులేని మౌన గానం ఆలాపిస్తున్నా...!!
అనంత ఆర్తనాదాల మనోభావాలను
ఆనవాలు పట్టని అజ్ఞాతవాసం చేస్తున్నా..
అలోచిస్తే తోచే భయాలన్నీ వెలేసి
గడిచే క్షణాలతోనే సావాసం చేస్తున్నా...
అడుగు పడనీయక బంధించిన
చెరతోనే చెలిమిని చేస్తూ వస్తున్నా....
ఉదయాలు సాయంత్రాలు ఏకమై
కనులముందు కాలం కరిగిపోతున్నా...!!
ఊహించని వరమేదైనా ఉందేమోనని
నిరాశల సౌధాన ఆశల మొక్కల నాటి..
-
సాగు చేస్తున్నా ఆనందాల పూలు
తనివి తీరా ఏరుకునే రోజువస్తుందని...!!!
అనూశ్రీ...
No comments:
Post a Comment