అంతమెరుగని పయనంలో
అంటుకున్న అబద్దమై
వేసుకున్న ముసుగు తొలగే
అరుదైన నిముషముకై
ఎదురుచూస్తోంది నాలోని
ఆవేదన.....!!
అనుభూతులను బంధీచేసి
ఆహుతైన జీవితాన్ని
అందంగా చూపలేక
అలుగుతున్న కాలాన్ని
అనునయించే దినం కోసం
చేస్తోంది నా మనసు ఆలాపన......!!
గొంతుదాటి రాలేక
మూగదైన గుండెకోత
కలలన్నీ నిశిలోనే
కన్నీరై కరుగుతుంటే
కలత తీరు రోజు ఎపుడని
నిలదీసి అడుగుతోంది
నాలోని ఆక్రందన...!!
అంతరంగాన ఆయువుతీరి
ఆవిరైన ఆశలన్ని అలసిసొలసి
మోయలేని భారమై తీరలేని నేరమై దహిస్తున్న మనసుని దాచలేక ఇస్తున్నా
తను కోరుకున్న విడుదలని....!!!
అను...
No comments:
Post a Comment