నా మొర వినమంటూ
నా మనవి మన్నించమంటూ
నా కలతలను కడతేర్చమంటూ
నా కన్నీళ్ళను ఆపమంటూ..........
అడిగి అడిగి అలసింది మనసు
ఒరిగింది ఓపిక లేని తనువు
నీ పదసేవ తప్ప అన్యమెరుగను
నీ చరణముల నమ్ముట తప్ప వేరెరుగను...
నీ సేవలో తరించింది జీవితం
నీ నీడలో అందించు నిబ్బరం
ఆవేదనను అదిగమించే అడుగులను
నైరాశ్యాలను పారద్రోలే నీ ఆశీస్సులను
అండగా నాకివ్వు చాలు...
నీవిచ్చే ధైర్యమే వెలుగని నిలుస్తా...!!
అనుశ్రీ....
No comments:
Post a Comment