మబ్బులను తాకాలని ఆరాటం
చినుకులను పట్టుకునే ఉబలాటం
మనసుకు రెక్కలొచ్చి ఎగురుతూ
అంబరానికి చేతులు చాచినా
అందని ఆకాశం చేతికందేనా
నేలకు దిగివచ్చే మార్గం దొరికేనా...!!
ఆశకో హద్దు కోరికకో కొలమానం
లేకుండా సాగే పయనం
బొమ్మలాటై మిగలదా
గమ్యం దూరమై నిలవదా.......
అవకాశాన్ని అత్యాశకు బలిస్తే
మిగిలేది గాలిలో ఊగిసలాటే......!!
అలుపు తీరిపోగానే ఎగిరిపోయే
భరోసాలను నమ్మి నిలబడితే
అగాధాలే చివరకు మిగిలేవి
అవమానాలే తుదకు అందుకునేవి
నేల విడిచిన సాము హద్దు దాటి గమనం
రెక్కలు తెగిన గగన విహారాలే.....!!
అనుశ్రీ.....
No comments:
Post a Comment