!!!గతం!!
గతపు వాకిలిలో జ్ఞాపకాల ముల్లు
తడిమిన ప్రతిసారీ గాయమై
వదలక వేదించి మనసుతో విభేదించి
కన్నీటి చెలిమినే ఆహ్వానిస్తున్నాయి...!!
గుండె నిండా గూడు కట్టుకున్న బాధ
మౌనగేయమై మదిలో వినిపిస్తుంటే
గొంతులేని భావాలన్నీ గోడులై
రాయలేని సొదలుగా
మనసు కాగితంపై మాసిపోని
రాతలై మిగిలిపోతున్నాయి...!!
గతానికి వర్తమానానికి మధ్య
విధిరాత రాసిన కఠికనిజాలు
యదలోతుల నలుగులుతున్న
కల్లోల హృదయాన్ని చూపలేక
కళ్ళని కప్పేస్తున్న వెతల మేఘాలై
ఏకధాటిగా కన్నీరై కురుస్తున్నాయి....!!
అను--------
No comments:
Post a Comment