!!! నీళ్ళు !!!
నీటికోసం పడుతున్న కష్టాలు
సౌకర్యాలనందుకునే స్తోమత లేక
నీళ్ళజాడ కనబడితే చాలు
బిందెలతో పరుగులు పెట్టిన
చిన్ననాటి జ్ణాపకం కదులుతోంది...
అన్ని అవసరాలకీ చేతిపంపు
దాన్ని కొట్టలేక అలసిపోయి
ఎండ భరించలేక-ఏడుపే తక్కువ
కానీ గడవదనే విషయం గుర్తొచ్చి
మళ్ళీ మొదలు-దానికీ పెద్ద లైను..
పెద్దవాళ్ళ కష్టం తలుస్తేనే భయమేస్తోంది...
నాన్నమ్మవాళ్ళ ఊర్లో మంచినీళ్ళ బావి
రోజూ సాయంత్రం అందరూ కలిసి
నడుస్తూ కబుర్లు చెప్పుకుంటూ
ఎక్కడో ఊరిచివర్న తాగేనీళ్ళకై ప్రత్యేకంగా ఉన్న మంచినీళ్ళ బావికెళ్ళితెచ్చుకునేవాళ్ళు
ఊరందరికీ ఒకటే బావి...
ఆ రెండు మూడు బిందెలు అప్పుడెలా
సరిపెట్టే వాళ్ళో అనిపిస్తుంది....
ఇప్పటికీ కొన్ని ఊర్లలో
నీళ్ళ బావులే ఆధారం........!!
ఎండాకాలం వచ్చిందంటే
ఈ తిప్పలు రెట్టింపవుతుంటాయి
చుట్టాలొచ్చినా రమ్మనాలన్నా
భయపడే పరిస్థితి....
నగరాల్లో సౌకర్యాలతో మనకంత
అవస్తలు లేవు అయినా ఆపసోపాలు
వాళ్ళు పగలంతా పనుల్లోకెళ్ళి రాత్రి
నీళ్ళ జాతరకి వెళ్ళాలి......
ఈ కరువు ఎప్పుటికి తీరుతుందో....!!
అనుశ్రీ....
No comments:
Post a Comment