!!!!! లైక్ !!!!!

ఉత్సాహాన్ని పెంచేందుకు
ఇష్టాన్ని తెలిపేందుకు
నచ్చిందని చెప్పేందుకు
మెప్పుని అందించేందుకు
అన్నిటికీ ఉన్నది
ఒకే మంత్రం  లైక్ అనే ఇష్టం....

క్షణంలో మనసులోని భావాన్ని
ఎదుటి మదికి చేరవేసేలా
ఒక మాటైనా తెలపకుండా
స్పందనై తెలిసేలా
మౌనంగా తెలిపే వేళ్ళ భాష
రెప్పపాటులోని ప్రశంసని చిటికలో చేరవేసి
స్నేహానికి ప్రతీకలుగా చేసే
నెట్టింటిలో ప్రతి ఒకరికి
అందుబాటులో ఉండే సాధనం....!

మంచికై మనోవికాసానికై సాహిత్యానికై సేవకై
విజ్ఞానాల చేరవేతకై ఓటులా వాడాలి ఆయుధం
పోటీకాదు అద్భుతమూ కాదు
చెప్పే మంచేదో చెప్పేసి
మాయా నుండి బయటపడి
మేలుకుంటే ఉత్తమం
అందుకోసమై వృధాకారాదు
విలువైన సమయం...!!

            అనుశ్రీ...