జీవితం తెలియని పాఠాలని
నేర్పించే గురువు అవుతుంది....!!
కాలంతో పాటుగా నడిపించే
నిను వీడని తోడవుతుంది....!!
పాత అనుభూతులు ఎన్నిఉన్నా
కొత్తగా ప్రతీరోజూ పలకరిస్తుంది..!!
అరణ్యమై భయపెడుతుంది
పూలవనమై మైమరపిస్తుంది...!!
శత్రువులా కక్ష్య తీర్చుకుంటుంది
మిత్రుడై సాయం అందిస్తుంది.....!!
గెలుపులా ఆశని పెంచుతీంది
ఓటమై ఓర్పును నేర్పిస్తుంది.....!!
కటిక చీకటై కళ్ళను మూసేస్తుంది
వేకువై వెలుగులు నింపుతుంది...!!
సముద్రంలా గంభీరమతుంది
పిల్లవాగై ఉరకలేయిస్తుంది......!!
అంతులేని సమస్యలతో హడలెత్తిస్తుంది
అంతలోనే పరిష్కరించి పండగవుతుంది..!!
వాత్సల్యాల వలలో బిగించి వేస్తుంది
వంచనల వేటులతో విడుదలని ఇస్తుంది..!!!
పుట్టుకై ఆశలతో నడవమంటుంది
మరణమై మధ్యలో ఆగమంటుంది...!!
అంతుపట్టని ప్రశ్నలా ఆకర్షిస్తుంది
చివరి వరకూ రహస్యమై ముగుస్తుంది....!!
అనుశ్రీ.....
No comments:
Post a Comment