జీవితంలోని ప్రతీ మలుపు
నన్ను నాకు చూపిస్తూనే ఉన్నా
ఇంకా నాకు నేను కొత్తగానే కనిపిస్తున్నా...!!
ఎన్నో అనుభవాలు మరెన్నో అనుభూతులు
ఇంకేవో పరిచయాల ప్రభావాలు
అనుసరించి నను పలకరిస్తున్నాయి..!!
నా మనసున ఉన్నది నేనైనా
కొత్త భావాల అమరిక
నవ్యమైన రంగుల రూపమై
మళ్ళీ మళ్ళీ తెలియని
నన్నే తెలుపుతోంది...!!
పాఠాలు నేర్పిస్తున్న ప్రతీ సందర్భం
మార్పుని కోరుతూ సాగుతుంటే
ప్రశ్నగా-సమాధానంగా ప్రేమగా-ద్వేషంగా
సందర్భోచితంగా నాకు నేను కనబడుతుంటే.!!
గమనంలో గమ్యంలో సరైన దారిని నడుస్తూ
నాకు నేను తారసపడిన ప్రతిక్షణం
మంచి మమతల నడతకు రూపంగా
నన్ను చూసుకోవాలనే ఆరాటపడుతున్నాను...!!
అను-----
37
No comments:
Post a Comment