కాగితం తెల్లనిదే
పదాల పరంపరలే బోలెడు
రంగు రంగుల భావాలై
అక్షరాల సహవాసినులై ఒదిగిపోతాయి....
అక్షరాలు కొన్నే అర్థాలే కోకొల్లలు
కాగితాలే అన్ని ఒలికించే
మైమరపించే అనుభూతులే వేవేలు
స్నేహిస్తూ,ద్వేషిస్తూ, ప్రేమిస్తూ,పూజిస్తూ
మనసు శోధనల జనించిన
మార్మిక మంతనాల కథనాలు....
కలం ఓదార్పులో కరిగిపోతుంటే
కాలం తెలియదు కనులకు
అణువంత ఆలోచనగా మొదలై
అంతులేని పయనంలోకి తీసుకెళ్ళి
పుట్టుక నుండీ మరుజన్మ దాకా
వాదం నుండి వేదన దాకా
ఎడారుల్ని సెలయేరులని
ఆగిపోయిన అడుగులని
సాగాల్సిన దారులని స్పృశిస్తూ...
ఊహాజనితమైన ఉత్తేజమై
కదిలిస్తుంది కవిత్వం
ఒదిగే ఎన్నోభావాలతో
ఎదగమంటుంది
జీవితపు రంగుని రుచిని తెలుపుతూ
నీ ఆలోచనలకు అద్దమై ప్రతిబింబిస్తుంది..
అనుశ్రీ.....
140
No comments:
Post a Comment