ఎన్నో వేల క్షణాల నిముషాల
ఎడబాటు తరువాత నీ ఆగమనం
నా ఎదురు చూపుల పిలుపులు విని
నా కొరకే వస్తున్నావేమో అనేలా...!!
ఒంటరి ఆలోచనలతో
చేస్తున్న సావాసం విసుగెత్తి...
ఎదురు చూస్తున్నా నీకోసం
మధుర జ్ఞాపకాల పూవులేవో
నా కోసం తీసుకొస్తావని......
నీ అడుగుల సడి విని అలజడులన్నీ
నీ తీయని పిలుపు విని ఆవేదనలన్నీ
నీ కనుల వెలుగులో మదిలో చీకటులన్నీ
కానరాని కోనలకు పరుగు పెడతాయని
ఆశిస్తున్నాను ప్రతీ సారి...!!
దాచుకున్న ఊసులేవో నీ ఒడిలో
నింపేసి మురిసిపోయే వేళ
ఆర్తివై ఓదార్పువై-మన్నింపువై మన్ననవై
నను పలకరించుతావనే
కనులు తెరిచి కలలు కంటున్నా.......!!!
అను-----
No comments:
Post a Comment