కొన్ని కష్టాలు కూడా చాలా ఇష్టంగా మారిపోతుంటాయి అప్పుడప్పుడు.....!!
మరపురాని కథల్లా మనసులో
మెదులుతూ ఉంటాయి ఎప్పుడూ...
అనుభవించిన వేళ ఎంత కుమిలినా
ఆపద తీరాక కలిగే ఆనందం
అది ఆస్వాదించే సమయంలో
ఒలికే ఆనందపు భాష్పాల తడి
గాయపడిన హృదయానికి స్వాంతననిచ్చే
అపురూప క్షణాలు
మన మదిలో శాశ్వతంగా మిగిలిపోతాయి.......!!
అప్రమత్తతలుగా దిశానిర్దేశాలుగా
మంచీ చెడుల బేరీజులో
న్యాయనిర్ణేతలుగా....
స్వభావాల వలలో స్వాభిమానానికి
ప్రమాదాలు ఎదురవకుండా
ఆలోచనలకు ఆచరణలకు కాపుకాసే
నిరంతర సూచికలై నిలిచిపోతాయి....!!
సలహాల సంప్రదింపులై మిగిలిపోతాయి...!
----అను---
No comments:
Post a Comment